تراث ألعابنا

تتذكرون التراث الطفولي أعلاه ؟!

فيه اختلاف بسيط وهي من زمان كان معاهم (هالحديقة الحيوانية ) مثل الشبك أو السور ودايم يتفكك يعني بس 

خاف على حيواناتك ههههههههه

هالنسخة المحدثة واللي صورتها على الأرضية تفتقر للأسوار المحيطة !

ماعلينا

المهم اختي الصغيرة مبسوطة بشكل كبير مع هالحيوانات وكل همها وشغلها الشاغل لايفترق الصغير عن أمه

مثل ماتشوفون هناك اختلاف بين الأحجام مثل الحمار الوحشي أكبر من الفهد !!

وهنا تبدأ صغيرتي بالتساؤول لو تمشكلوا (ادخلوا بعراك عنيف مابين الحياة والموت هههه )  من بيفوز ؟

اقول لها الفهد , فترد غير مصدقة : وليه الحمار الكبير مايدافع عن نفسه وهو أطول منه ؟!

طيب انا ايش ذنبي لو قلبوا موازيين الأحجام 

فهمتها قالت طيب الفهد والأسد من بيفوز ؟ 

قلت لا أنهم أصدقاء !

قالت لا شوفي الفهد أكبر من الأسد يمكن أنه أبوه الكبير !!!

قلت لا ولد الفهد يجي فهد صغير , قالت : طيب ليه أصدقاء ؟ أكيد أنه يقرب له ؟

قلت لها : دايم أنك مقتنعه باللي في راسك ليييييييه تسألين ؟

ولو تلاحظون الصورة فيه نوعين فهد برتقالي وفهد أصفر

قالت مهب أخوان وليه الوانهم مختلفة !

كانت رحلة علمية بشعة معها , معاد أبغى أعلم أحد عنيد كذا

وهذا شطر والشطر الآخر أووووه لاتضيع شجرة ولا يضيع لها حيوان صغير تقولون بيخرب التوازن البيئي

كل ماتعلمته من ذي التجربة:

1/ أول وآخر مره تتصرف بذكاء وتدس جزء من الحيوانات المتشابهه علشان لاضاع شي فيه مايسد الخلل

2/ لاتحاول تسوي فيها تعليمي مع طفل مقتنع أن الكبير يغلب الصغير

3/ ولا تجلس عنده وهو يحاول يوقف الشجره وتطيح لأنك عمداً وإجباراً بتقوم بتصليح ساق شجرته

4/ لاتنسى الإتكال على الله واحتساب أجر الصراخ والإزعاجات بصنع حوارات عجيبة غريبة بين الحيوانات  

5/ يجب أن تؤمن أنك ستواجه سؤال من يحالف من وضد من ولمن الغلبة بالآخر وتتذكر حينها ووقتها أيام الإرهاب الطفولية سواء كنت ممن يتحالفون أو يتحالف عليهم ..

6/ دعواتي لك بدوام العافية