السبت، 29 نوفمبر 2014

إلي








 إليّ :
لا تحزني ، أنتِ لست كذلك إطلاقاً
أنتِ فقط مليئة بالأفكار / متعبة ..

الجمعة، 7 نوفمبر 2014

العناية بالبشرة

 ...........
قسم جديد بالأرق يختص بالجمال والصحة وراح ابدأه بروتيني للإهتمام بالبشرة :)

لأن بشرتي حساسه جدا جدا وتتأثر من أدنى تعصيبه أو قلق علطول حبوب فلازم اهتم فيها اخفف من ظهور هالاشياء واخفي أثرها 
بالبداية بديت مع منتجات زين الاتات < لما كانت منتجاتهم اصلية "القديمه" كانت نتائجها جميلة
بعدين جددوا المنتجات وكمان زيادة بالأسعار واللي يحزن نتيجتها صارت سيئة
ابتعدت عنها وطحت على مجموعة عناية رائعه :

أولها ١-التنظيف 


 هالغسول اللي ماوفيه حقه بكلمة جميل رغم اني جربت صابونه وغسولات اخرى من نيتروجينا بس هالنوع غلبهم جميعا 
---
ومرتين بالاسبوع استعمل هالمقشر الخفيف من جونسون
يسوي لك تقشير جميل وتحسين بالفرق بعد استخدامه يمكن يكون عليك خفيف بس على بشرتي يطلع لي احمرار التقشير فخففت استخدامه لمرتين اسبوعيا ..
.........

 بعد كذا نروح لموضوع الترطيب ٢- 

هالترطيب من هالشركة الطبية الفرنسية بايوديرما رااائع جدا يخليك تحسي بنداوة كذا والجميل انه للجسم والوجه ايضا
لان الترطيب بعد المنظفات مهم يعوض بشرتك عن كل الدهون اللي خسرتها 
---
ترطيب اليدين ينشال معك بكل مكان استخدم هذا الشيء 
رائع وصغنون جميل يستحق الإقتناء ههههه
---
 وللأقدام اكركم الله استخدموا هالشيء foot cream اللي بينفعكم كثير كثير ورخيص ٣٠ ريال تقريبا 



تعرفون حركات التشقق والخشونه وتنشبون بالفرش انسوها ترجع كذا ورديه ايضا من الاشياء اللي ماستغني عنها خالص :)
---
وآخرا للشفايف عندي منتجين بطله 
بيبي ليبز من ميبلين والثاني من بودي شوب من اروع المرطبات بس ترتيبا يكون البيبي ليبز اولا ثم برون ليبي ثانيا :)
........
 الموضوع الثالث٣ - مزيلات المكياج

بالدوام دايم اشيل معاي هذي اصحح فيها اي مكياج حسيته بدا يسيح او بدا يبهت جدا عملية وممتازه كخيار ذكي
---
وهذا الشيء الثاني

 ايضا من شركة بايوديرما مزيل مكياج يكون سائل استخدمه لازالة المكياج بشكل كامل بقطنه واوزعه على كامل البشره ايضا ينحط عالعيون تقريبا ثواني وامسحيها راح تلاحظين كل الماسكرا المقاومة للماء والظل حتى البرايمر ينشال بسهوله ( هالمنتج بطل ههههه )
..........
الموضوع الرابع ٤- المحسنات لملمس البشرة ولونها

هالمنتج ايضا يوحد لون البشرة ويخفف من علامات واثار الحبوب ( اقوى اكتشاف سويته هههه )


---
ايضا هالمنتج فيه حبيبات صغيره توزعينه عالبشره بعد تنظيفها بشكل دائري راح تحسين بالإنتعاش والفرق من أول استخدام 


 ---
وهذا ماسك يوزع فقط على الاثار والمناطق الغامقه بالبشرة بعدين تشيلينها لما تنشف
قد ما أقول جميل مايكفي هالمنتج جدا جدا مفيد واضح من العلبه المنتحره هههههه
---
واخر شي هالتونيك لما توزعينه عالبشره بعد تنظيفها وتحبين تريحينها من كل انواع ومواد التنظيف والكريمات طول النهار وزعيه عالبشره النظيفه واتركيه عليها مو بس ينعشها كمان يخليها كذا زاهيه موردة


وهذا عباره عن روتيني في العناية بالبشرة بشكل كامل هالمنتجات لها عيب واحد مشترك هو سعرها شوي مرتفع لكن من جد القيمة فيها مو خساره ابدا ، فايدتها كبيره وتلاقينها تعطيك نتائج فتاكه :)