الجمعة، 8 أبريل، 2011

شقاوة أطفالنا



 أولهم :
 
أنا : تبغى جالكسي ؟
هو : لالالاااا
أنا: أعصابك طيب لاتنفخ
هو : ليه أنتي شايفتني بنت ؟
أنا : ليه إيش قلت الحين ؟
هو : قلتي تبغى جالكسي وهو حق البنات , ليه ماتشوفين الحريم في الدعاية ؟
 ~~

ثانيهم :
أنا : أفرفر القنوات الفضائية
هو : قام وطيح الطاولات !!
أنا : هيه ايش بلاك رجعها !!
هو : رجعي ثونيك يالله يالله
أنا : هاااااه ايش ؟
هو : رجعي ثونيك القنفذ الأذرق الحين 
انا : آهآآآ اسونيك قصدك ؟ لا مابغى ارجعه وبترجع الطاولات غصبن عنك
هو : افقشيني
~~

ثالثهم :

هو : يالله ترى درست انقليزي يعني أحسن منك
أنا : شاطر شاطر
هو : يالله ايش معنى بوابة ؟
أنا : قيت ؟
هو : لا دور door  نفسها بس قولي big door طلعتي اخرطي
أنا : لا اسمها قيت سلامات بيق دور ؟
هو : مامعك إلا مامع جدتي
 ~~
رابعهم

أنا : هلاااا بالحلوة ايش اخبار الشطورة ؟
هي : بخير 
أنا : جيتي مع ماما أو جدة
هي : أكيد مع وحدة منهم ليه بجي لحالي ؟
أنا : طيب كش
هي : عطيني مويه
أنا : الكوب والبرادة قدامك 
هي : عادني صغيرة عطيني 
 ~~

خامسهم

أنا : تعالي تعالي سلمي 
هي : لا
أنا : تعالي ايش عندها اللي تفز
هي : لا مابغى
أنا : ليه ماتبغين ؟
هي : شكلك ملعونة < !!!!!!!!!!!!!! + ):
 ~~

سادسهم :

أنا : حي الله بالرجال 
هو : (وراح عند أمه ودخلت سلمت عليها) وقال : يمه بتزوج ذي
أنا : هآه , يعني إن معك مهري الحين ؟
هو : إيش مهر ؟
أنا : تعطيني فسحتك ولا عيديتك علشان تتزوج بي
هو : إيوه شوفي الخمسة ذي في جيبي
أنا : بآخذها كلها بشتري لي ببسي وايس كريم
هو : لالا بس ريال خذي
أنا : لا كلها مالي دخل حد قال لك تعرض
هو : خلاص معاد أبغى اعرس
 ~~

سابعهم :

هي : أنتي تقربين لأبلى ساره ؟
أنا : لالا
هي : إلا
أنا : لا يابنت الحلال لو أقرب لها بتكون تقرب لك
هي : إلا إني عارفة إنها تقرب لك وجها نفس وجهك
أنا : أيوه إنها أختي روحي لها بتلقينها راقدة فوق
هي : يالله تكذب علي




0 التعليقات:

إرسال تعليق

افْضِ مِنْ دَلْوك ..