الجمعة، 20 مايو 2011

done done

هههههههه
الحمدلله انتهيت من الإستايل ,
فكرة النافذة من أفكاري طلعت منها البحر والغيم وزودت رسمة الشمس وانعكاسها على البحر فقط
جات أختي قالت يبغى لها قوس قزح بعد
جا أخوي وقال شوفي زودي ستارة على الشباك
جات أختي قالت باقي لماع على القوس قزح
جا اخوي الصغير وقال زودي طاولة وكرسي
جات أختي الصغيرة وقالت باقي باقي تحطين عصافير
جات اختي نفس (صاحبة فكرة الطيف ) وقالت باقي توزعين المويه تحت الكرسي والطاولة
جاء أخوي (صاحب فكرة الستاير ) وقال باقي تزودين خلفية جدار
وجلس شوي وقال خليه متشقق 
قالت اختي ( صاحبة فكرة اللماع ) زودي مزهرية على الطاولة 
وجا اخوي صاحب فكرة ( الكرسي والطاولة ) وقال زودي أصداف طايحة وسرير < من جدكم ؟!
خلاص تعبت

2 التعليقات:

غير معرف يقول...

حركااات..مبروووك الستايل الجديد..والله حلو التغيير.. مايجتمع أرق ويأس ..ولن يغلب عسر يسرين..عشان كذا..عجبني التفاؤل الطاغي على استايل المدونة..وعلى فكره ترى للصوره أثر على المدونه وصاحبتها..وعن تجربه لها حقيقه ثابته في علم النفس..ياناسوووو يااااالبى جمعتكم على الجهاز..أتخيل أشكالكم وانتو متجمعين حوله وأصابع الصغار وأفكارهم وأصواتهم...يافدييييييتكم..بجد أتمنى لهم مستقبل .. لايحمل الأرق..أما اللي قال سرير خطييير..تصدقين!
ليتك حطيتي سرير..مو بس عشان خاطر اخوك لكن أنا اشهد ان السرير أول من يشاركنا الأرق..
يسعد قلبك بصراحه عحبــــــــني انك تلبين رغبات تسعدهم حتى لو كانت ماتتعلق بممسمى المدونه ومحتواها..احب اللي يحسسون اللي حولهم بقيمة أفكارهم مهما كانت بسيطه.. الله لااااايحرمكم من بعض..يااارب ابي اخوان صغار يشاركوني الأرق من دون ما يذوقون إرهاقه..
بلسم

wameed / وميض يقول...

اهلا اهلا بلسم , جيتك صارت موعد منتظر حتى لو ماقدمتيه (:
ربي يبارك بقلبك , ايه من عشاق التغيير هههههه
تركت الفكرة تجي بإرادتها وكانت متفائلة مثل ماقلتي بالضبط !!
صحيح أوافقك تماما بكل كلمة قلتيها ..
ههههههههههههه ايه لو تشوفينهم لما خلصتها كلهم يجرون عند امي يمه حنا اللي ساعدناها بالفكرة واللي قال انا هالفكرة لي واللي قالت أنا اللي فكرت بكذا تحسين انهم فخورين , وكل ماضفت لمسة طغيت عليهم بالثناء وشوفيهم ابدعوا من جد ههههههههههه
وأمي ربي يحفظها كملتها بطريقتها بالتشجيع لهم ..
تصدقين بلسم لو قلت لك إني أعوض احتياجي فيهم , كنت أتمنى من يسمع لفكرتي أو ينبش عن همتي !
ايه حسيت السرير له عمق بس قلت بوقت ثاني أرجع وأضيف وأعدل بس أرتاح شوي وأفضى على الأقل هههههه..


حياتي ربي يهنيك ويكرمك , وجودك يسعدني أكثر من بسمة ترسمينها دون علمك , ربي يرزقك باللي تتمنين وفيه تتهنين من دون كلل ولا ملل ..

إرسال تعليق

افْضِ مِنْ دَلْوك ..